Pam gwirfoddoli gyda’r Prosiect Rhyddid?
Mae’r Prosiect Rhyddid yn wasanaeth cŵn maeth hanfodol i bobl sy’n dianc rhag cam-drin domestig. Mae ein rhieni maeth yn gwybod eu bod nid yn unig yn helpu ci mewn angen ond hefyd yn helpu teulu i ddianc rhag cam-drin domestig. Mae gan faethu holl fanteision gofalu am gi heb y gost a’r ymrwymiad hirdymor.
Roedd 84% o’n gwirfoddolwyr yn dweud bod cefnogaeth tîm y Prosiect Rhyddid yn ‘ardderchog’.
Roedd 96% o’n gwirfoddolwyr yn dweud bod maethu yn rhoi boddhad iddyn nhw oherwydd eu bod yn helpu eraill.
Drwy wirfoddoli i faethu ci am 6-9 mis, bydd y perchennog yn gallu mynd i loches gyda’r tawelwch meddwl y bydd eu ci’n cael cariad a gofal gan rywun. Byddwn ni’n talu am yr holl fwyd, costau a biliau milfeddyg ac mae llwyth o fanteision gwych o fod yn rhan o’r prosiect.
Roedd 88% o wirfoddolwyr y Prosiect Rhyddid yn dweud bod maethu wedi cael effaith gadarnhaol ar eu llesiant a’u hiechyd meddwl.
Roedd 86% o wirfoddolwyr y Prosiect Rhyddid yn dweud bod maethu wedi cynyddu eu gwybodaeth a’u dealltwriaeth o gŵn.
Croesawu ci maeth
Mae pob ci’n unigolyn ac mae ein tîm profiadol yn paru cŵn gyda’r gofalwyr maeth sy’n ffitio orau i’w ffordd o fyw. Ar gyfartaledd, mae’r lleoliadau maeth yn para rhwng 6-9 mis nes bydd y cŵn yn cael eu haduno â’u perchnogion. Drwy gydol y lleoliad maeth mae ein staff cyfeillgar yn rhoi cyngor a chefnogaeth a byddwn yn talu am holl gostau’r ci.
![](images/behaviour-approved/carmel---foster-carer_cropped_440_264_cropped.jpg)
Stori gwirfoddolwr
A oes gennych awydd maethu? Gallwch glywed gan un o’n gwirfoddolwyr beth mae maethu i’r Prosiect Rhyddid yn ei olygu iddynt hwy.
![](images/behaviour-approved/052131freedom17_cropped_cropped.jpg)
Allwch chi wirfoddoli?
Mae maethu ci’n ymrwymiad mawr ond yn gyfle gwych hefyd. Dyma glywed gan rai o’n gwirfoddolwyr am sut y gweithiodd y profiad iddyn nhw.
Dod yn ofalwr maeth gyda’r Prosiect Rhyddid
Gallwch newid bywydau teuluoedd sy’n dianc rhag cam-drin domestig drwy ddod yn ofalwr maeth Prosiect Rhyddid heddiw.